point of view

Mr . A was a person best in all the fields , He was a great Leader , a great Economist , a great Intellectual .
He had to go somewhere in ship and on the way the ship was caught in some storm and broke down and he was drowing in the sea . Now it was the time for his problem , he didn't know how to swim .
One of his known was also in the ship , luckilly he had got a life-boat . He offered the boat to Mr .A , but kept a condition that Mr. A had to bow his head before him . Mr . A is thinking .................

Considering some case in particular ...............
A = I (3 years back) = Mr. A Refused to bow his head and he drowned
A = I (few days back) = Mr.A was thinking over it and he was drowned before concluding something
A = I (now) = Mr. A has bowed his head and he is happily living and still he is the best in all his fields.
A = I(trying to be) = Mr. A has bowed his head and he saved his life and now is learning swimming.

are there some more possibilities?

kavi

sunta hoon teri baatein ,
aur tujhe hi sunata hoon ,
kavi hoon main ,
tere dard pe kavita banata hoon |

tu rota jaata hai ,
main likhta rehta hoon,
tere har gham pe,
ek naya chhand sunata hoon |

nahi dost tu hansana nahi ,
tere aansu hi hain roji meri,
tere rone se hi ,
mere ghar ka chulha jalta hai |

main koi bura nahi hoon,
mera irada bhi nek hi hai ,
tu mujhe apna maan ke sunata hai ,
main tujhe apna maan ke likh deta hoon |

tere aansu moti hain mere liye,
har ek ki keemat milti hai ,
tere dukh ke tail se hi to,
meri kavita ki gaadi chalti hai |

dosh mujhe tum par dena nahi,
ichcha nahi meri majboori hai yeh,
kavi hoon shrota chahta hoon,
aur unhe laane ko jaroori hai yeh |

jo wo sunna chahte hain ,
wahi to bas main kehta hoon ,
kavi hoon main ,
tere dard pe kavita banata hoon |

kiran

anjan raha hai,
ghana andhera hai ,
sunsan path hai ,
main thak gaya hoon|

rasta lamba hai ,
manzil door hai ,
khatra bahut hai ,
main dar gaya hoon|

ghana kohra hai ,
thand bahut hai ,
badal kaale hain ,
main ghir gaya hoon|

uphaas bahut hai ,
haar harpal hai ,
umeed kamzor hai ,
main dukhi ho gaya hoon|

achanak se ek kiran dikhi hai ,
dhoop kuch hai ,
thand bhag rahi hai ,
main jag raha hoon|

rah roshan ho rahi hai ,
andera door ho raha hai ,
roshni main sab apne dikhne lage hain ,
main sfoortimay ho raha hoon|

path pe log aa rahe hain,
badal hat gaye hain ,

manzil kareeb aa rahi hai ,
main aazad ho raha hoon|

raat ka khathra door ho gaya hai ,
jeet dikhne lagi hai ,
umeed bandh rahi hai ,
main khush ho raha hoon|

zindagi ko badal diya hai ,
ek kiran ne hi aaj ,
ek nanhi se kiran ne ,
andhere ko parast kar diya hai|

andhera ghana tha , shaktishali tha,
kiran chhoti thi akeli thi,
andhera bura tha ghamdi tha,
kiran bhali thi himmati thi|

jeet satya ki ho na ho ,
haar burai ki ho na ho ,
himmat ki kabhi haar nahi hoti ,
sachi umeed kabhi bekar nahi hoti|

pyar (punjabi)

1. supne bich sajan milya ,
gal vich paayiyan baahan |
dar de maare akh na kholan ,
kite pher na vichad jaavan |

pyar keeta main dillon ohunu ,
ehi sabnu samjhawan |
rab rakhin neend ch mainu ,
chahe sutta hi main mar jaawan |

2. koi humse pooche pyar kya hota hai ,
pooche dil ka intezaar kya hota hai |
aapke dil ki baaton ko ko to nahi jaanta ,
par humse pooche ek tarafa pyar kya hota hai |

kash aisa bhi hota

dekh ke bhool jaya karta ,
Har buri baaton ko |
Logon se mili choton ko ,
Kash aisa bhi hota |

zindagi ke har pal main ras leta,
Har pal apna alag sa hota |
Na pichchla kuch yaad aata,
Na aane wale ka chintan hota |

bas aaj hi aaj main jeeta ,
Har pal naye dost hote |
har din wo mil jaate ,
phir agle din wo door ho jaate |

na kuch vaade hote ,
na nibh paane ki umeedein hoti |
bas harpal ke saathi se ,
us pal ki hi baatein hoti |

umarbhar saath ki baatein bhi ,
tabh kahan tak reh jaati |
umar bhi to aakhir ,
behoshi se hosh tah ho jaati |

natak kiya tha jo us din peene ka ,
uske baad laga mujhe aisa hi |
kash aisa bhi hota ,
kash ki main nahse main hi hota |